საქართველოს მთავრობა სახელმწიფო საწარმოების რეფორმირებას გეგმავს. რეფორმირების პროცესი „ფინანსთა სამინისტროს“, ასევე „ეკონომიკისა და მდგრადი განვითარების სამინისტროს“ 10 წლიანი განვითარების გეგმის ნაწილია. „ფინანსთა სამინისტროს“ მიხედვით, სახელმწიფო საწარმოების რეფორმა ითვალისწინებს: 1. სახელმწიფო საწარმოებში კორპორაციული მართვის სტანდარტების დანერგვას; 2. მათ კომერციალიზაციას; 3. საწარმოების კონკურენტუნარიანობის ამაღლებას; 4. მთავრობისთვის კონკრეტული სამოქმედო წესების განსაზღვრას სახელმწიფო საწარმოების მართვისა და დაარსებისთვის; 5. საჯარო და გამჭვირვალე კორპორაციული მიზნების დოკუმენტის შემუშავებას სახელმწიფო საწარმოებისთვის.