ევროპის საინვესტიციო ბანკი (EIB) და ევროპის რეკონსტრუქციისა და განვითარების ბანკი (EBRD)
2021
დოკუმენტში აღნიშნულია, რომ ასოცირების ხელშეკრულების იმპლემენტაციის შემდეგ საქართველო წლების განმავლობაში ახორციელდებდა მნიშვენლოვან რეფორმებს. მიუხედავად იმისა, რომ ბოლო წლებში ეს ტემპი შენელდა, პროცესის შედეგად საქართველოს ეკონომიკა ტრანსფორმირდა, გაიზარდა ეკონომიკური ზრდისა და ცხოვრების სტანდარტის გაუმჯობესების პოტენციალი. თუმცა, დოკუმენტის მიხედვით, სამომავლო ეკონომიკური ზრდის უზრუნველსაყოფად საქართველოს სჭირდება, აქცენტი გააკეთოს კერძო სექტორის გაძლიერებასა და მისთვის ბარიერების შემსუბუქებაზე.
დოკუმენტის თანახმად, მომავალი ეკონომიკური განვითარებისთვის მნიშვენლოვანი როლი აქვს სახელმწიფო საწარმოების მართვის ჩარჩოს განვითარებას, რამაც უნდა უზრუნველყოს მათი მდგომარეობის გაუმჯობესება და ფინანსებზე ხელმისაწვდომობა. სახელმწიფომ რამდენიმე მნიშვენლოვანი ნაბიჯი გადადგა ამ მიმართულებით, რომელთა შორისაც აღსანიშნავია ფისკალური რისკების მონიტორინგის სისტემა და ფისკალური რისკების დოკუმენტი, რომელიც სახელმწიფო საწარმოებს რისკების შესაბამისად კატეგორიებად ყოფს.
დოკუმენტის თანახმად, სახელმწიფო საწარმოების გაუარესებული ფინანსური მდგომარეობა მოითხოვს საწარმოთა კომერციალიზაციის რეფორმასა და მათი კორპორაციული მართვის პრინციპების გაუმჯობესებას. ამჟამად სახელმწიფო საწარმოები ფინანსდებიან ბიუჯეტიდან, თუმცა მათი დაფინანსების სქემა არაეფექტიანია. დოკუმენტში აღნიშნულია, რომ ყოვლისმომცველი მექანიზმის არარსებობა საწარმოების შენარჩუნებისა და მათთვის ობიექტური სტანდარტების დასაწესებლად, არათანმიმდევრული მიდგომა საბუღალტრო აღრიცხვისას, განუვითარებელი მმართველობის ინსტიტუტები კომპანიებში და სახელმწიფოს ოპერაციული ჩარევა საწარმოთა გადაწყვეტილების მიღების პროცეში - ქართული სახელმწიფო საწარმოების გამართული ფუნქციონირებისთვის მნიშვნელოვან ბარიერებს წარმოადგენს. აღნიშნული პრობლემების საპასუხოდ, სახელმწიფომ საწარმოთა განვითარების რეფორმის სტრატეგიაზე დაიწყო მუშაობა. დოკუმენტის თანახმად, აღნიშნული სტრატეგია კი მოსალოდნელია, რომ საფუძვლად დაედოს სახელმწიფო საწარმოთა მართვის ახალ კანონს.
დოკუმენტის გადმოწერა: