USAID-ის ეკონომიკური მმართველობის პროგრამა
2020
გადახდისუუნარობის რეფორმის მთავარი მიზანია, აღმოფხვრას ბარიერები მეწარმეებისთვის და გაზარდოს რეაბილიტაციის პროცესის წარმატებით დამთავრების ალბათობა. სხვა სიტყვებით რომ ითქვას, კანონის მიზანია, ფინანსური სირთულეების მქონე კომპანიებს მიეცეთ შესაძლებლობა, გადახდისუუნარობის პროცესის ფარგლებში დაუბრუნდნენ ეკონომიკურ საქმიანობას.
აღნიშნული დოკუმენტი მიმოიხილავს იმ წინაპირობებს, რომლებიც აუცილებელია გადახდისუუნარობის წარმატებული რეფორმირებისთვის საქართველოში. რეფორმაში წამყვანი როლი საქართველოს იუსტიციის სამინისტროს ენიჭება, თუმცა რეფორმის მთავარი მამოძრავებელი ძალა მაინც კერძო სექტორია. დოკუმენტი წარმოადგენს რამდენიმე კრიტიკულ მიგნებას გადახდისუუნარობის რეფორმასთან დაკავშირებით.
სისტემური ანალიზის თანახმად, გადახდისუუნარობის რეფორმის მთავარი დაინტერესებული მხარეები არიან საქართველოს იუსტიციის სამინისტრო, აღსრულების ეროვნული ბიურო, შემოსავლების სამსახური, ეკონომიკისა და მდგრადი განვითარების სამინისტრო, ბიზნესის რეაბილიტაციისა და გადახდისუუნარობის პრაქტიკოსთა ასოციაცია, გადახდისუუნარობის პრაქტიკოსები და ის ფირმები, რომლებიც მნიშვენლოვნად დაზარალდნენ კოვიდ-19-ის თანმდევი კრიზისის შედეგად.
რეფორმის წარმატებული იმპლემენტაციისთვის დოკუმენტი რამდენიმე ფაქტორს განსაზღვრავს. მათ შორის, მნიშვნელოვანია კომპეტენტური გადახდისუუნარობის პრაქტიკოსების არსებობა და გადახდისუუნარობის საკანონმდებლო ჩარჩოს სათანადოდ აღსრულება, აუცილებელია გადახდისუუნარობის პრაქტიკოსთა ზედამხედველობის მექანიზმის არსებობაც. სამთავრობო უწყებებს ადეკვატური მექანიზმები უნდა გააჩნდეთ კერძო კომპანიების სამთავრობო ვალის სამართავად. სასამართლო სისტემის მხრიდან კი მნიშვენლოვანია, მოსამართლეებს ჰქონდეთ კომპეტენცია, მართონ კომპლექსური გადახდისუუნარობის საქმეები.
დოკუმენტის გადმოწერა: