საგადასახადო დავების ანალიზი

კვლევამ შეისწავლა შემოსავლების სამსახურის დავების საბჭოსა და საქართველოს ფინანსთა სამინისტროსთან არსებული დავების განხილვის საბჭოს მიერ 2014-2016 წლებში მიღებული ჯამში 500-ზემეტი გადაწყვეტილება. მათში ასახული თემების აქტუალურობისა და სიხშირის მიხედვით, გამოიკვეთა შემდეგი თემები, რომლებიც დაექვემდებარა დეტალურ ანალიზს: 1. კეთილსინდისიერი გადამხდელის პრინციპი; 2. დისკრეციული უფლებამოსილების განხორციელება; 3. საგადასახადო ვალდებულებების განსაზღვრის არაპირდაპირი მეთოდების გამოყენება; 4. დაქირავებული პირის სარგებლის დაბეგვრა; 5. დასაბუთებული გადაწყვეტილების მიღების ვალდებულება; 6. საჩივრის განუხილველად დატოვება; 7. დღგ-ის ჩათვლის გაუქმება; 8. საქონლის დოკუმენტების გარეშე ტრანსპორტირება; 9. ზედმეტად გადახდილი თანხის დაბრუნება; 10. უიმედო ვალების გამოქვითვა. დოკუმენტის თანახმად, „ანგარიშში ასახულია შემოსავლების სამსახურისა და დავების საბჭოს მსგავსი და განსხვავებული მიდგომები ზემოთ ჩამოთვლილ საკითხებთან დაკავშირებით და შემოთავაზებულია რეკომენდაცია არათანმიმდევრულობის შესამცირებლად, კანონის განჭვრეტადობის ასამაღლებლად და მსგავს თემებზე დავების თავიდან ასარიდებლად. თითოეული თემის ანალიზის ბოლოს მოცემულია შესაბამისი რეკომენდაციები.“

დოკუმენტის გადმოწერა: