საქართველოს, მოლდოვისა და უკრაინის წყლის პოლიტიკის დოკუმენტი

წყლის პოლიტიკის დოკუმენტი აფასებს საქართველოს, მოლდოვისა და უკრაინის წყლის სექტორებში არსებულ ამჟამინდელ მდგომარეობას და შერჩეული ქვეყნების გრძელვადიან სტრატეგიულ გეგმას აღნიშნული სექტორის განვითარების შესახებ. დოკუმენტის მიზანია შეაფასოს სამომავლო გამოწვევები და შესაძლებლობები სექტორის რეფორმირების სტრატეგიულ გეგმებთან მიმართებით. საქართველო, უკრაინა და მოლდოვა საინტერესო ქვეყნებია იმდენად, რამდენადაც მათ შემთხვევაში წყლის სექტორის განვითარების სტრატეგიული ხედვა დაფუძნებულია ევროკავშირთან გაფორმებულ ასოცირების შეთანხმებაზე, რომელმაც განსაზღვრა დროში შეზღუდული ვალდებულებები, რომ ამ ქვეყნებმა კანონმდებლობები ევროკავშირის კანონებს, მათ შორის წყლის ჩარჩო დირექტივას, დაუახლოვონ.

დოკუმენტი მიმოიხილავს საქართველოს მიზნებს წყლის სექტორთან დაკავშირებით, მათ შორის საქართველოს ვალდებულებებს ევროკავშირთან დადებული ასოცირების შეთანხმების ფარგლებში და იმ სამიზნე მაჩვენებლებს, რომლებიც ქვეყანას განსაზღვრული აქვს საერთაშორისო გარემოსდაცვითი შეთანხმებების ფარგლებში, მათ შორის მდგრადი განვითარების მიზნების (SDG) მიხედვით. დოკუმენტში მიმოხილულია ის ვალდებულებებიც, რომლებიც ქვეყანას გაწერილი აქვს ევროკავშირის წყლის ჩარჩო დირექტივის მიხედვით, მათ შორის დროში შეზღუდული ვალდებულებები მდინარის აუზის უბნების განსაზღვრისა და მდინარის აუზის მართვის გეგმების შემუშავების შესახებ. დოკუმენტი აანალიზებს ამჟამინდელ მდგომარეობას საქართველოს წყლის სექტორში და წარმოაჩენს იმ ბარიერებს, რომლებიც სექტორის განვითარებას აფერხებს. ასევე, მიმოიხილავს რა არსებულ საკანონმდებლო და პოლიტიკის ჩარჩოს, დოკუმენტი წარმოაჩენს წყლის სექტორის სამომავლო რეფორმირების სავარაუდო სცენარებს.

ბმული