ფრაის ვოთერჰაუს კუპერს (PwC), პოლიტიკისა და მართვის საკონსულტაციო ჯგუფი (PMCG)
2016
2010 წელს საქართველოს ეკონომიკისა და მდგრადი განვითარების სამინისტრომ დაიწყო საქართველოს სივრცითი მოწყობის და მშენებლობის ახალ კოდექსზე მუშაობა. ახალი კოდექსის მიზანი იყო სამშენებლო სექტორში არსებული პრობლემების აღმოფხვრა, სივრცითი და ურბანული დაგეგმარებისა და ასევე მშენებლობის მარეგულირებელი კანონმდებლობის ჰარმონიზაცია და დაახლოება ევროკავშირისა და საერთაშორისო სტანდარტებთან.
შეფასებამ აჩვენა, რომ სივრცითი მოწყობისა და მშენებელობის ახალი კოდექსი სარგებლობას მოუტანდა ზოგადად ეკონომიკას. თუმცა აღნიშნული დამოკიდებული იქნებოდა ცენტრალური და ადგილობრივი მარეგულირებელი ორგანოების მიერ კოდექსის პროექტის ეფექტურ იმპლემენტაციაზე და მშენებლობის ფასების მოსალოდნელი ზრდის მართვაზე გარკვეული საზღვრების ფარგლებში. ანალიზმა აჩვენა კოდექსის პროექტის იმპლემენტაციის ზედმიწევნით დაგეგმვის საჭიროება. ამასთანავე, გამოიკვეთა, რომ საჭიროა საქართველოს მთავრობის მიერ მონიტორინგის განხორციელება: 1) ადმინისტრაციული ორგანოების მხრიდან იმპლემენტაციის პროცესის წარმართვაზე; 2) ახალი კოდექსის წარმართვის მიმართ ბაზრის რეაქციაზე, რათა მოხდეს ჩარევა, იმ შემთხვევაში თუ ფასები გადააჭარბებს მისაღებ დონეს.
დოკუმენტის გადმოწერა: